ਰਿਮੋਟ

ਦੋਸਤੋ ਮਦਦ ਕਰੋ ਮੇਰਾ ਰਿਮੋਟ ਖੋ ਗਿਆ ਏ ਕੱਲ ਤੱਕ ਇਹ ਰਿਮੋਟ ਸੀ ਹਰ ਦੋਸਤ , ਦੁਸ਼ਮਣ ਦੀ ਪਹੁੰਚ ਵਿੱਚ ਬਟਨ ਦੱਬਿਆਂ ਮੈਂ ਹੱਸਦਾ ਸਾਂ, ਰੌਂਦਾ ਸਾਂ ਜਿਹਡ਼ੇ ਚੈਨਲ ਤੇ ਚਾਹੁੰਦੇ , ਸੋਚਦਾ ਸਾਂ ਅਚਾਨਕ ਇੱਕ ਵਾਵਰੋਲਾ ਆਇਆ ਤੇ ਉਹ ਖੋ ਗਿਆ ਹੁਣ ਮੈਂ ਪਰੇਸ਼ਾਨ ਹਾਂ ਕਿਹਡ਼ੇ ਚੈਨਲ ਤੇ ਚੱਲਾਂ ? ਮੈਨੂੰ ਸੋਚਣਾ ਪਉ ? ਫੈਸਲਾ ਲੈਣਾ ਪਉ ? ਬਹੁਤ ਮੁਸ਼ਕਿਲ ਹੈ ਹਾੜਾ ਇ ਮੇਰੀ ਮਦਦ ਕਰੋ ਰਿਮੋਟ ਲੱਭ ਲਵੋ ਕੋਈ ਤੇ ਜਿੰਮੇਵਾਰ ਬਣੋ ਮੇਰੇ ਚੈਨਲਾਂ ਦਾ ।

ਦੋਸਤੀ

ਮੇਰੇ ਨਦੀਮ
ਇਹ ਗੱਲਾਂ , ਇਹ ਹਾਸੇ,
ਇਹ ਲਫ਼ਜ਼ਾਂ , ਤਸਵੀਰਾਂ ਦੀ ਸਾਂਝ ,
ਇਹ ਸਭ ਕੀ ਹੈ
ਨਾ ਤੂੰ
ਆਪਣਾ ਵਜੂਦ ਜਾਹਰ ਕੀਤਾ
ਨਾ ਮੈਂ ਹੀ
ਰੂਹ ਦੇ ਪਰਦੇ ਲਾਹੇ
ਫੇਰ ਇਹ ਸੱਭ ਕਿਸ ਲਈ
ਮੈਂ ਕਈ ਵਾਰ ਸੋਚਿਆ
ਸ਼ਾਇਦ ਅੱਜ
ਮੇਰੀ ਬੁਕੱਲ
ਤੇਰੇ ਹੰਝੂਆਂ ਦੀ ਖੁਸ਼ਬੋ ਨਾਲ ਮਹਿਕੇਗੀ
ਸ਼ਾਇਦ ਅੱਜ
ਤੂੰ ਮੇਰੇ ਚੰਗਿਆੜਿਆਂ ਨੂੰ
ਭਾਂਬਡ਼ ਬਣਾ ਕੇ
ਸੁਆਹ ਕਰ ਦੇਵੇਂਗਾ
ਪਰ ਨਹੀਂ
ਤੂੰ ਤੇ ਮੈਂ
ਅਾਪੋ ਆਪਣੇ ਮਕਬਰੇ ਵਿੱਚ
ਆਪਣੀ ਮਮੀ ਦੀਆਂ ਪੱਟੀਆਂ ਬਦਲ ਰਹੇ ਹਾਂ

ਪਾਗਲ

ਵੰਨ ਸੁਵੰਨੀ ਝੱਲਾਂ ਕਰਦਾ
ਰਮਜ਼ੋਂ ਬਾਹਰ ਦੀ ਗੱਲਾਂ ਕਰਦਾ
ਆਪ ਮੁਹਾਰੇ ਦਏ ਦੁਆਵਾਂ
ਕਦੇ ਰੋਕ ਲਏ ਆਕੇ ਰਾਹਵਾਂ
ਵਿੱਚ ਬਜਾਰ ਦੇ ਹਸਦਾ ਗਾਉਂਦਾ
ਕੱਲਿਆਂ ਬਹਿ ਕੇ ਹੰਝ ਵਗਾਉਂਦਾ
ਮਿਲਦੀ ਰੋਟੀ ਨੂੰ ਠੁਕਰਾਵੇ
ਭੁੱਖਾ ਮਰਦਾ ਮੰਗਣ ਆਵੇ
ਵੇਖਣ ਨੂੰ ਕੋਈ ਪਾਗਲ ਲਗਦਾ
ਸਮਝਣ ਤੇ ਕੋਈ ਆਲਮ ਲਗਦਾ
ਖੌਰੇ ਉਸ ਕੀ ਦਰਦ ਹੰਢਾਇਆ
ਕਾਫਿਰ ਦੇ ਵੀ ਸਮਝ ਨਾ ਆਇਆ

विसाल

पैगाम-ए-विसाल-ए-यार की लज्ज़त ना पूछिए,
इत्र से महकने लगे, सूखे हुए आंसू ।