तवक्को

तवक्को है कहां उसको, कुर्बत की, वफाओं की,
वो शायर है, मुहब्बत के नए कुछ दर्द चाहता है

जगजीत काफ़िर

तवक्को = उम्मीद, चाहत
कुर्बत = नज़दीकी

ਕਾਫ਼ਿਰ ਗੁਜ਼ਰ ਗਿਆ

ਸੁਣਿਆ ਕਿ ਲੋਕ ਕਹਿੰਦੇ ਨੇ ਕਾਫ਼ਿਰ ਗੁਜ਼ਰ ਗਿਆ
ਜੰਨਤ ਚ ਜਾਂ ਜਹੰਨਮ ਚ ਖੌਰੇ ਕਿੱਧਰ ਗਿਆ

ਹਰ ਲਮਹਾ ਪੀ ਰਿਹਾ ਸੀ ਅਪਣੀ ਕਜ਼ਾ ਦੇ ਜਾਮ
ਮਰ ਮਰ ਕੇ ਜੀਣ ਵਾਲਾ ਆਖ਼ਰ ਨੂੰ ਮਰ ਗਿਆ

ਲਿਖਦਾ ਸੀ ਦਰਦੇ ਦਿਲ ਤੇ ਮੁਹੱਬਤ ਭਰੇ ਕਲਾਮ
ਇਸ਼ਕੇ ਦੇ ਮਾਰਿਆਂ ਦਾ ਨੂਰ ਏ ਨਜ਼ਰ ਗਿਆ

ਬਣਿਆ ਨਾ ਦੁਨੀਆਦਾਰ ਉਹ ਸ਼ਾਇਰ ਮਿਜ਼ਾਜ਼ ਸੀ
ਕੋਰੀ ਸਲੇਟ ਲਿਆਇਆ ਸੀ ਕੋਰੀ ਹੀ ਧਰ ਗਿਆ

ਤੱਕਿਆ ਸੀ ਇੱਕ ਵਾਰ ਉਸ ਸ਼ੀਸ਼ਾ ਧਿਆਨ ਨਾਲ
ਆਪਣੀ ਨਜ਼ਰ ਤੋਂ ਆਪ ਹੀ ਉਸ ਦਿਨ ਉਤਰ ਗਿਆ

ਸੁਪਨੇ ਦੇ ਵਿਚ ਮਿਲੇ ਤਾਂ ਪੁਛਾਂਗਾ ਉਸਦਾ ਰਾਜ਼
ਕਿਸਦੇ ਸਿਵੇ ਚ ਸੜਿਆ, ਕਿਸਦੀ ਕਬਰ ਗਿਆ

ਜਗਜੀਤ ਕਾਫ਼ਿਰ

ਦਿਲ ਕਰਦਾ ਹੈ

ਕਦੇ ਕਦੇ
ਦਿਲ ਕਰਦਾ ਹੈ
ਹੱਸਾਂ ਆਪਣੇ ਆਪ ਤੇ
ਖੁੱਲ ਕੇ
ਪਾਗਲਾਂ ਵਾਂਗ
ਕਬੂਲ ਕਰਾਂ
ਆਪਣੀ ਕਮਜ਼ੋਰੀਆਂ ਆਪਣੇ ਡਰ
ਤੇ ਕਬੂਲ ਕਰਾਂ
ਨਹੀਂ ਚਾਹੁੰਦਾ ਮੈਂ
ਇਹ ਨਿਜ਼ਾਮ
ਜਿੱਥੇ ਕੋਈ ਕੀਮਤ ਨਹੀਂ
ਮਲੂਕ ਜਜ਼ਬਾਤਾਂ ਦੀ
ਸ਼ਰਾਫ਼ਤ ਦੀ
ਮੁਹੱਬਤ ਦੀ

ਤੇ ਲਿਖਦਾ ਹਾਂ
ਹਰ ਉਹ ਗੱਲ
ਜੋ ਟੁੰਬਦੀ ਹੈ
ਇਨਸਾਨੀ ਜ਼ਹਿਨ ਨੂੰ
ਦਿਲਾਂ ਨੂੰ
ਅਵਾਮ ਦੀ ਸੋਚ ਨੂੰ

ਤੁਸੀਂ ਤੜਫਦੇ ਹੋ
ਇਸ ਦੀ ਇਹ ਮਜ਼ਾਲ
ਇਹ ਕਿਵੇਂ ਬੋਲਿਆ
ਜੀਭ ਕੱਟ ਲੋ ਇਸਦੀ

ਤੁਸੀਂ ਮਾਲਿਕ ਹੋ
ਸਰਮਾਏ ਦੇ
ਧਰਮ ਦੇ
ਤਖ਼ਤ ਦੇ
ਇਖਲਾਕ ਦੇ
ਫਤਵਾ ਦੇ ਸਕਦੇ ਹੋ
ਹਰ ਕਾਫ਼ਿਰ ਨੂੰ ਸੂਲੀ ਦਾ

ਇਹ ਕੋਸ਼ਿਸ਼ ਫਿਜ਼ੂਲ ਹੈ
ਜਜ਼ਬਾਤ, ਖਿਆਲ
ਬੰਨੇ ਨਹੀਂ ਜਾਂਦੇ
ਕਿਸੇ ਇੱਕ ਦੇ ਮਰਣ ਤੇ
ਖਿਆਲ ਨਹੀਂ ਮਰਦਾ
ਸੋਚ ਨਹੀਂ ਮਰਦੀ
ਉਹ ਨਹੀਂ ਮਰਦੇ
ਜਿਹਨਾਂ ਦਾ ਮਜ਼ਹਬ
ਮਨੁੱਖਤਾ ਹੈ

ਜੇ ਕਾਫ਼ਿਰ ਮਰ ਗਏ
ਫੇਰ ਵੀ ਮਘਦੀ ਰਹੂ
ਮਸ਼ਾਲ ਸਵਾਲਾਂ ਦੀ
ਮਸ਼ਾਲ ਸਵਾਲਾਂ ਦੀ

ਜਗਜੀਤ ਕਾਫ਼ਿਰ
9815160863