ਮੇਰੇ ਮੋਲਾ
ਚਲ ਆਪਾਂ ਦੋ ਗੱਲਾਂ ਕਰੀਏ
ਛੱਡ ਕੇ ਸੁਰਗ ਨਰਕ ਦੀ ਗੱਲਾਂ
ਲੱਖ ਚੁਰਾਸੀ ਜੂਨ ਦੀ ਛੱਲਾਂ
ਤੂੰ ਵੀ ਕੱਲਾ ਮੈਂ ਵੀ ਕੱਲਾ
ਚੱਲ ਆਪਾਂ ਦੋ ਗੱਲਾਂ ਕਰੀਏ
ਨਾ ਵਿੱਚ ਕੋਈ ਕਾਸਿਦ ਤੇਰਾ
ਨਾ ਹੀ ਕੋਈ ਭਰਮ ਦਾ ਫੇਰਾ
ਨਾ ਕੁੱਝ ਤੇਰਾ ਨਾ ਕੁੱਝ ਮੇਰਾ
ਚੱਲ ਆਪਾਂ ਦੋ ਗੱਲਾਂ ਕਰੀਏ
ਨਾ ਮੇਰੇ ਸਿਰ ਵਿੱਚ ਮੇਰੀ ਮੈਂ
ਨਾ ਤੇਰੇ ਦਿਲ ਵਿੱਚ ਅਜ਼ਮਤ ਤੇਰੀ
ਮੈਂ ਖਾਲਿਕ ਦਾ ਖਲਕਤ ਤੇਰੀ
ਚੱਲ ਆਪਾਂ ਦੋ ਗੱਲਾਂ ਕਰੀਏ
ਤੂੰ ਮੈਂ ਦੇ ਵਿੱਚ ਫਰਕ ਨਾ ਕੋਈ
ਫਰਕ ਇਹ ਪੈਦਾ ਕਿਥੋਂ ਹੋਇਆ
ਤੇਰੀ ਜਾਤ ਸੋ ਮੇਰੀ ਜਾਤ
ਬੇਜਾਤਾ ਵਿੱਚ ਕੋਣ ਖਲੋਅਾ
ਚੱਲ ਆਪਾਂ ਦੋ ਗੱਲਾਂ ਕਰੀਏ
ਤੂੰ ਜਾਣੇ ਜੋ ਦਿਲ ਵਿੱਚ ਸੱਭਦੇ
ਕੁੱਝ ਪਾ ਗਏ ਕੁੱਝ ਫਿਰਦੇ ਲੱਭਦੇ
ਪਰ ਇਸ਼ਕ ਰਕੀਬਾਂ ਨਾਲ ਨੀ ਪੁਗਦੇ
ਚੱਲ ਆਪਾਂ ਦੋ ਗੱਲਾਂ ਕਰੀਏ
ਤੂੰ ਮੇਰਾ ਬਣ ਕੇ ਸਾਮਣੇ ਆ
ਆਪਣੀ ਹੋਂਦ ਜਲਾਲ ਦੇ ਅੰਦਰ
ਕਿਉਂ ਲੱਭਣਾ ਤੈਨੂੰ ਇਨਾਂ ਅੋਖਾ
ਜੇ ਵਸਦਾ ਤੂੰ ਸੱਭਦੇ ਅੰਦਰ
ਚੱਲ ਆਪਾਂ ਦੋ ਗੱਲਾਂ ਕਰੀਏ
ਕੋਈ ਰਾਹ ਇਸ਼ਕ ਦਾ ਵੱਖਰਾ ਦੱਸ
ਜੋ ਹਰ ਮਜ਼ਹਬ ਤੋਂ ਪਾਰ ਹੋਏ
ਜੋ ਰਾਹ ਕਾਫਿਰ ਨੂੰ ਦੱਸੇ ਦੂਨਿਆਂ
ਉਸ ਰਾਹ ਤੇ ਤਾਂ ਸੱਭ ਖੁਆਰ ਹੋਏ
ਚੱਲ ਆਪਾਂ ਕੁੱਝ ਗੱਲਾਂ ਕਰੀਏ
ਜਗਜੀਤ ਸਿੰਘ ਕਾਫਿਰ
10/07/2016
No comments:
Post a Comment