ਖ਼ੌਰੇ ਕਿਹੜੀ ਥਾਂ ਸੀ
ਬੱਸ ਇੰਨਾ ਪਤਾ
ਕਿ ਵੱਸਦੇ ਸਨ ਉੱਥੇ
ਮੇਰੇ ਤੇ ਤੇਰੇ ਜਿਹੇ ਇਨਸਾਨ
ਜ਼ੁਲਮ ਦੇ, ਵਿਤਕਰੇ ਦੇ
ਸ਼ੋਸ਼ਣ ਦੇ ਸ਼ਿਕਾਰ
ਨਿਰਾਸ਼
ਬੁਝੇ ਜਿਹੇ
ਇੰਤਜ਼ਾਰ ਕਰਦੇ
ਕਿਸੇ ਮਸੀਹਾ ਦੀ
ਕੌਣ ਬਣਦਾ
ਪਰ ਬਣਿਆ
ਕੋਈ ਸਿਰਫਿਰਾ, ਦੀਵਾਨਾ
ਜੂਝਿਆ
ਲੜਿਆ
ਤੇ ਹਾਰਿਆ
ਸਾਥ ਬਾਝੋਂ
ਯਕੀਨ ਬਾਝੋਂ
ਨਹੀਂ
ਇਹ ਓਹ ਮਸੀਹਾ ਤਾਂ ਨਹੀਂ ਸੀ
ਜਿਸਦੀ ਤਸਵੀਰ ਸੀ
ਸਾਡੇ ਖਿਆਲ ਵਿੱਚ
ਕੋਈ
ਮੇਰੇ ਤੇ ਤੇਰੇ ਜੇਹਾ
ਕਿਵੇਂ ਹੋ ਸਕਦਾ ਹੈ
ਸਮਾਜ ਦਾ ਨਾਇਕ
ਬਿੰਬ ਨੇ, ਪ੍ਰਤੀਕ ਨੇ
ਰੰਗਾਂ ਦੇ
ਹਥਿਆਰਾਂ ਦੇ
ਵਾਪਸ ਬੁਲਾਉਣਾ ਹੈ
ਉਹਨਾਂ ਨਾਇਕਾਂ ਨੂੰ
ਜੋ ਸਬੰਧਤ ਨੇ
ਵਿਰਸੇ ਨਾਲ, ਧਰਮ ਨਾਲ
ਇਤਿਹਾਸ ਨਾਲ
ਇਹ ਸੰਭਵ ਨਹੀਂ
ਹੁਣ
ਫੇਰ ਉਡੀਕ ਹੈ
ਨਵੇਂ ਕਿਸੇ ਮਸੀਹਾ ਦੀ
ਜਗਜੀਤ ਕਾਫ਼ਿਰ
Jagjit Kaafir
No comments:
Post a Comment